லினக்சு, கட்டற்ற மென்பொருட்கள் பற்றி தெரிந்து கொள்ள, அது தொடர்பான பணிகளில் ஈடுபட ஆர்வம் உள்ளவர்கள், இந்த மடற்குழுவில் சேர்ந்து கொள்ளலாம். மடல்கள் எல்லாமே தமிழில் இருக்கும்.
http://www.ae.iitm.ac.in/mailman/listinfo/ilugc.tamil
ஆமாச்சு என்று அழைக்கப்படும் ஸ்ரீராமதாஸ் தமிழ்நாட்டில், தமிழில் கருத்துப் பரிமாற்றம் செய்யப்படும் உரிமைக்காக பல இடங்களில் போராடி வந்திருக்கிறார். அவர் கட்டற்ற தமிழ்க கணிமை தொடர்பான பணிகளில் இறங்கி, சென்னை லினக்சு பயனர் மடற்குழுவில் பங்கேற்கும் போது தமிழில் அஞ்சல் அனுப்ப ஆரம்பித்தார்.
- ஆங்கில மடற்குழுவில் தமிழா!!!
- தமிழ் தெரியாத உறுப்பினர்கள் என்ன செய்வார்கள்????
- வேண்டுமானால், தமிழ் [Tamil] என்று ஒரு முத்திரை குத்தி தமிழ் மடல்களை அனுப்புங்கள்
- தமிழில் எழுதினால் கூடவே ஆங்கில மொழிபெயர்ப்பும் இருக்க வேண்டும்.
- தமிழ்நாட்டின் தலைநகர் சென்னையில் இயங்கும் மடற்குழுவில் தமிழில் பேசுவது இயல்பானது, அதைத் தொடர்ந்து செய்ய வேண்டும்
- 'ஆங்கிலத்தில் எழுதத் தயங்கும் உறுப்பினர்கள் என்ன செய்வார்கள்' என்று ஆங்கில மடல்களை தடுக்க முடியுமா? தமிழ் தெரியாதவர்கள் தமிழ் கற்றுக் கொள்ள வேண்டும்.
- முத்திரை எல்லாம் குத்த முடியாது.
- ஆங்கிலத்தில் மொழி பெயர்ப்பது கூடுதல் பணிச்சுமையாகி விடும்.
இது தொடர்பான இன்னொரு குழாயடிச் சண்டை சமீபத்தில் மீண்டும் ஆரம்பித்தது.
- [Tamil] என்று முத்திரை குத்திக் கொள்ளத் தயாராக இருப்பதாக சமாதானத்துக்கு வந்த தமிழ் தரப்புக்கு அப்போதும் தீர்வு கிடைக்கவில்லை.
- 'தமிழுக்கு என்று தனியாக ஒரு மடல் குழு ஏற்படுத்திக் கொள்வோம்' என்பதும் நிராகரிக்கப்பட்டது.
- 'தமிழில் எழுதினாலும் மடலின் தலைப்பு ஆங்கிலத்தில்தான் இருக்க வேண்டும், தமிழில் எழுதியவற்றுக்கு ஆங்கில மொழிபெயர்ப்பையும் சேர்த்தே அனுப்ப வேண்டும்' என்று விதி முறை ஏற்படுத்தினார்கள்.
- "தமிழ் பேசுபவர்கள் மட்டும்தானா சென்னையில், மலையாளம், இந்தி, தெலுங்கு, மராட்டி பேசுபவர்களும் இருக்கிறோம். எல்லோரும் அவரவர் மொழியில் மடல் அனுப்ப ஆரம்பித்தால் நிலைமை என்ன ஆகும்?"
- "நீங்கள் தமிழில் அனுப்பும் தகவல்கள் எங்களுக்கும் பயனுள்ளதாக இருக்கலாம், அவற்றை எப்படி விட்டுக் கொடுப்பது"
- "இந்தியாவில் நூற்றுக்கணக்கான மொழிகள் இருக்கின்றன. உலகத்தில் ஆயிரக்கணக்கான மொழிகள் இருக்கின்றன. இவை எல்லாவற்றுக்கும் மடற்குழுவில் அனுமதி அளித்தால் நிலைமை என்ன ஆகும்?"
- அப்படி அவருக்கே தெரியாத மொழிகளில் தொடர்பே இல்லாத உரைத் தொகுப்பு ஒன்றை கூகுள் மொழிமாற்றியில் தயாரித்து, வரிசையாக பல மடல்களை குழுவுக்கு அனுப்பி அடாவடி செய்தார் ஒருவர்.
அதன்படி ilugc.tamil என்ற மடற்குழு ஏற்படுத்தப்பட்டு இன்று முதல் செயல்பட ஆரம்பித்து விட்டது.
ஆங்கிலத்தில் செயல்படும் மடற்குழுவின் 2300 உறுப்பினர் எண்ணிக்கையை விட அதிகமான பேர் தமிழ் குழுவில் பங்கேற்று பலன் பெறுவார்கள் என்பது நம்பிக்கை.
- தமிழ் நாட்டில் பொறியியல் படிக்கும் மாணவர்களின் எண்ணிக்கை சில லட்சங்களுக்குக் குறையாதது.
- தமிழ் பேசும் கணினி பணியாளர்களின் எண்ணிக்கை இன்னும் பல லட்சங்கள்.
- கணினியில் கட்டற்ற மென்பொருட்கள் பயன்படுத்த விரும்பும் தமிழ் ஆர்வலர்கள்
கருத்துகள் இல்லை:
கருத்துரையிடுக