ஒவ்வொரு மீஉரைக் கொக்கிக்கும் அதன் இயல்புகளைக் குறிப்பிட்டு, அந்த இயல்புகள் எப்படி இருக்க வேண்டும் என்று சொல்லலாம் என்று பார்த்தோம். ஆரம்பத்தில் எல்லா விதமான இயல்புகளையும் இந்த முறையில் குறிப்பிடும் முறைமை இருந்தது.
அதில் பல குறைகள் இருந்ததால், ஒரு கொக்கியின் சிறப்பு இயல்புகளைத் தவிர, பொதுவாக எல்லா கொக்கிகளிலும் பயன்படுத்தக் கூடிய இயல்புகளை அழகுக் குறிப்புகளாகச் செயல்படுத்தும் முறைமை ஏற்பட்டது.
செயல்படுத்த வேண்டிய இயல்புகளை அழகு="பெயர்:குறிப்பு" என்று குறிப்பிட்டால் போதும். அழகு என்பது கொக்கியின் ஒரு இயல்பு, அதன் மதிப்பாக, நமக்கு வேண்டிய குறிப்புகளை எல்லாம் சேர்த்துக் கொள்ளலாம்.
நமது சுட்டியில் காண்பிக்கும் எழுத்துக்கள் தடிப்பாக இருக்க வேண்டும் நினைத்தால்.
<a href="tamil-movies/webpage2.html" style="font-weight:bold;"> தமிழ்ப் படங்கள் </a>
தமிழ்ப் படங்கள் என்பது தடிப்பான எழுத்துக்களாக காட்டப்படும்.
தமிழ்ப் படங்கள்
இதைப் போல நூற்றுக்கணக்கான அழகுக் குறிப்புகள் வரையறுக்கப்பட்டிருக்கின்றன.
காண்பிக்கப்படும் எழுத்துக்கள் மின்னி மறைந்து தோன்ற வேண்டும் என்று நினைத்தால்.
<a href="tamil-movies/webpage2.html" style="font-weight:bold;text-decoration:blink;"> தமிழ்ப் படங்கள் </a>
இப்போது உலாவியில் பக்கத்தைத் திறந்து பார்த்தால் தமிழ்ப்படங்கள் என்ற சுட்டி, தடித்த எழுத்துக்களில் மின்னி மறைந்து தோன்றும்.
தமிழ்ப் படங்கள்
ஒன்றுக்கு மேற்பட்ட அழகுக் குறிப்புகளைச் சேர்க்க,
பெயர்1:மதிப்பு1; பெயர்2:மதிப்பு2;
என்று வரிசையாக சேர்க்க வேண்டியதுதான்.
கருத்துகள் இல்லை:
கருத்துரையிடுக